Adroddiad yr Ymddiriedolwyr a Datganiadau Ariannol

Ymchwil Canser Cymru yw elusen ymchwil canser Cymru. Ni yw’r unig elusen sydd wedi ymrwymo i ariannu ymchwil newydd yng Nghymru sy’n ymwneud â chanser.

Ers 60 mlynedd, mae’r elusen wedi datblygu ein dealltwriaeth o ganser a sut i’w drin drwy ariannu ymchwil o’r radd flaenaf yng Nghymru. Mae’r elusen yn ariannu cynigion ymchwil a gyflwynir gan ymchwilwyr a chlinigwyr gwyddonol sy’n gweithio ym mhrifysgolion Cymru, y GIG, a sefydliadau academaidd ac/neu ymchwil eraill yng Nghymru.

Mae Bwrdd Ymddiriedolwyr Ymchwil Canser Cymru yn darparu goruchwyliaeth gyfreithiol, arweiniad strategol, a chymeradwyaeth derfynol am gyllid ar gyfer ymchwil, gan wneud yn siŵr bod yr elusen yn cyflawni ei chenhadaeth i ariannu ymchwil canser o’r radd flaenaf ac yn sicrhau canlyniadau gwell i gleifion ledled Cymru.