Sut i ddechrau, a gofyn am ganllaw
A ydych chi’n barod i ddechrau eich taith codi arian? Mae sefydlu eich gweithgaredd codi arian yn syml, ac rydym yma i’ch cefnogi chi bob cam o’r ffordd.
Rydym yn argymell creu eich tudalen codi arian ar Enthuse. Mae’n blatfform cyflym a hawdd sy’n eich galluogi i gasglu rhoddion, rhannu eich stori, a chadw golwg ar eich cynnydd, i gyd mewn un man.
Gallwch chi bersonoli eich tudalen gyda lluniau a diweddariadau, gan helpu cefnogwyr i gysylltu â’ch gweithgaredd codi arian a chynnal brwdfrydedd ar hyd y ffordd.
Pan fydd eich tudalen yn fyw, gallwch chi ddechrau ei rhannu gyda ffrindiau, teulu a’ch cymuned ehangach. P’un a ydych chi’n hyrwyddo eich gweithgaredd codi arian yn bersonol neu ar-lein, mae’n helpu i feithrin momentwm a chefnogaeth bob tro mae’r dudalen yn cael ei rhannu.
Adnoddau y gellir eu lawrlwytho
I’ch helpu i hyrwyddo eich gweithgaredd codi arian, rydym wedi creu amrywiaeth o adnoddau y gellir eu lawrlwytho, a gallwch chi ddefnyddio’r rhain ar-lein, mewn print ac ar gyfryngau cymdeithasol.
Mae ein logo ‘Yn cefnogi’ yn un arbennig ar gyfer ein codwyr arian – dyma’r un y dylech chi ei ddefnyddio ar eich deunyddiau hyrwyddo.
Os oes angen rhywbeth penodol arnoch, bydd ein tîm yn hapus i helpu.
Gofynnwch am eich canllaw codi arian
Llenwch y ffurflen isod i ofyn am eich canllaw codi arian a byddwn yn ei anfon yn syth atoch chi.