12 syniad codi arian Nadoligaidd gyda Nicole Quirk
Mae ein Rheolwr Codi Arian, Nicole Quirk, yn rhannu rhai awgrymiadau codi arian Nadoligaidd i’ch helpu ar eich taith godi arian y Nadolig hwn
Helo! Fi yw Nicole, Rheolwr Codi Arian Gogledd Cymru. Wrth i'r Nadolig agosáu'n gyflym, mae'n amser gwych i wneud gwahaniaeth i bobl Cymru trwy godi arian gyda thema Nadoligaidd. O lapio anrhegion i gymryd rhan mewn Rhediad Siôn Corn, rwyf wedi dod o hyd i 12 o syniadau Nadoligaidd i chi gefnogi Ymchwil Canser Cymru'r Nadolig hwn.
P’un a ydych yn y gwaith, yn yr ysgol, neu gartref, mae digon o ffyrdd creadigol i roi yn ôl y tymor hwn a chefnogi Ymchwil Canser Cymru.
Dyma 12 syniad Nadoligaidd i helpu gwneud gwahaniaeth go iawn tra’n mwynhau ysbryd yr wŷl!
Codi arian Nadoligaidd: 12 ffordd hwyliog o’n cefnogi ni’r Nadolig hwn
1. Diwrnod siwmper Nadoligaidd
Ewch i edrych am eich siwmper Nadolig mwyaf disglair (neu ofnadwy!) a chael eich ffrindiau, teulu, neu gydweithwyr i gymryd rhan. Casglwch roddion gan bawb sy’n ymuno â’r hwyl ac peidiwch ag anghofio rhannu eich lluniau gwyliau gyda ni trwy dagio @cancerresearchwales
2. Gorsaf lapio anrhegion
Oes gennych dalent am lapio anrhegion? Sefydlwch orsaf lapio anrhegion yn y gwaith, ysgol, neu yn eich cartref. Cynigwch i lapio anrhegion mewn cyfnewid am rodd fach.
3. Gwerthiant pobi Nadoligaidd
O fins peis i ddynion sinsir a phopeth arall. Trefnwch werthiant pobi a gofynnwch am roddion fesul sleis, pei neu fisged.
4. Cystadlaethau crefftus
Ydych chi’n arbenigwr mewn addurno coed Nadolig? Oes gennych chi blant creadigol gartref? Cynhaliwch gystadleuaeth am y goeden a'r cerdyn Nadolig cartref gorau wedi'u haddurno. Talwch ffi mynediad bach a dangoswch y dyluniad enillwyr ar eich cyfrifon cyfryngau cymdeithasol a thagio @ymchwilcansercymru
5. Râs Siôn Corn
Ymunwch â râs lleol Siôn Corn neu greu eich un chi! Gwisgwch siwt goch a chael nawdd i redeg, jogio, neu gerdded eich ffordd i linell orffen.
6. Noson cwis Nadoligaidd
Rhowch eich gwybodaeth Nadoligaodd ar brawf a chynhaliwch noson gwis llawn trivia Nadoligaidd. Gallwch hefyd gynnal raffl ar y noson gyda nwyddau a roddwyd.
7. Cyngerdd Nadolig
Trefnwch gyngerdd Nadolig neu noson garolau. Gwahoddwch ffrindiau, teulu, neu gydweithwyr i a gofynnwch am iddynt am rodd am fynychu.
8. Rhowch eich tâl am awr olaf 2025
Ystyriwch roi tâl am eich awr olaf o waith yn 2025 i gefnogi ymchwil canser yma yng Nghymru.
9. Rhoddwch eich amser neu eitemau o ansawdd i ni
Oes gennych chi ychydig o oriau rhydd yn ystod y cyfnod yr wŷl? Gallwch wirfoddoli mewn un o’n siopau neu roi rhai o’ch eitemau o ansawdd. Yn well fyth, porwch y silffoedd eich hun a dewiswch rai anrhegion i’ch ffrindiau a’ch teulu o’n siopau elusennol.
10. Noddi eich penderfyniad Blwyddyn Newydd
Ydych chi'n bwriadu cymryd her yn 2026? P'un ai'n rhedeg marathon neu roi'r gorau i siocled, caeliwch eich noddi er mwyn dal ati i'ch penderfyniad.
11. Marathon ffilmiau Nadolig
Cynhaliwch noson ffilm Nadolig (neu ddiwrnod!) sy'n cynnwys yr holl glasurol. Codwch ffi mynediad fach, gwnewch pop-corn, a gwnewch ein hun yn gyfforddus ar gyfer eich codwr arian Nadoligaidd.
12. Siôn Corn cyfrinachol ar gyfer Ymchwil Canser Cymru
Rhowch naws Nadoligaidd i eich Siôn Corn cyfrinachol! Yn hytrach na phrynu anrhegion, mae pawb yn rhoi'r swm y byddent wedi'i wario i ariannu ein hymchwil arloesol yma yng Nghymru.
Y Nadolig hwn, beth bynnag rydych chi'n gallu codi, bydd eich ymdrechion yn helpu i brynu amser gwerthfawr i gleifion canser yma yng Nghymru.
Rydyn ni i gyd yn dymuno cael mwy o amser dros y Nadolig. Diolch i ymchwil arloesol a ariennir gan unig elusen ymchwil canser Cymru, a chefnogwyr fel chi, mae mwy o deuluoedd yn cael yr union beth yna: mwy o gwtshio, mwy o chwerthin, mwy o gariad -mwy o amser gyda'i gilydd.