Bydd grŵp cyfeillgar o adferwyr hen gerbydau o Orllewin Cymru yn mynd yr ail filltir dros Ymchwil Canser Cymru'r haf hwn gyda her codi arian uchelgeisiol.
Mae'r Cardi Cranks yn glwb cerbydau clasurol o Sir Ceredigion ac mae eu haelodau wedi bod yn gefnogwyr ffyddlon i'r elusen ymchwil canser Cymreig ers 2025.
Maen nhw'n angerddol am adfer hen gerbydau ac, ym mis Mehefin hwn, byddant yn gyrru dau hen dractor 453 milltir o gwmpas Cymru i godi arian i Ymchwil Canser Cymru.
Mae Cardi Cranks wedi adfer y ddau dractor—sydd wedi'u henwi'n Sion a Sian, ac wedi'u paentio mewn lliwiau Ymchwil Canser Cymru, yn arbennig ar gyfer y digwyddiad uchelgeisiol hwn.
Taith Tractor Sion a Sian
Bydd 'Taith Tractor Sion a Sian' yn gweld y ddau hen dractor Ferguson yn teithio o Gastell Caernarfon i Gastell Caerdydd ar deithiau sy'n dechrau ddydd Sul 21 Mehefin.
Dros saith diwrnod, bydd Sion yn teithio i'r dwyrain o Gastell Caernarfon ac yna i'r de ar hyd yr A5 i gyrraedd Betws-y-Coed, ac ymlaen i Langollen cyn ymuno â'r A483 i gyrraedd Y Trallwng ac wedyn i Lanfair-ym-Muallt.
Bydd Sian yn cychwyn o Gastell Caernarfon ar yr un pryd ac yn teithio i'r de i lawr yr A487 i Borthmadog a Dolgellau, Aberystwyth ac ymlaen i Aberteifi.
Ar ddiwrnod 5, bydd Sion yn gadael Llanfair-ym-Muallt i fynd i Frycheiniog ac yn ymuno â'r A479 i gyrraedd Cwmbrân ac wedyn ymlaen i draffordd yr M4 i'r dwyrain i gyrraedd Sain Ffagan.
Gan adael Aberteifi ar ddiwrnod 5, bydd Sian yn ymweld â San Clêr cyn ymuno â'r A40 ar gyfer y daith i Abertawe ac wedyn ymlaen ar M4 i'r gorllewin i Sain Ffagan.
Antur epic ledled Cymru
Ar ddydd 8, bydd Sion a Sian yn gyrru'r 16 milltir olaf ar ddiwedd yr hantur epic ar hyd Cymru, gan gyrraedd Castell Caerdydd am 11.00yb ar ddydd Sul 28 Mehefin.
"Rydym yn hynod gyffrous i gymryd rhan yn Nhaith Tractor Sion a Sian ar gyfer Ymchwil Canser Cymru," meddai Gill Evans o Cardi Cranks.
"Mae hwn yn fenter sydd wedi codi ein calonnau wrth iddym adfer y ddau dractor bach Ferguson. Mae gan y ddau beiriant hyn hanes cyfoethog a chymeriad, a mae eu gweld yn cael eu hadnewyddu ar gyfer daith hon ledled tirweddau hardd Cymru wedi bod yn ysbrydoledig.
"Bydd pob tro o'r olwyn yn brawf o'r grefftwaith a'r gofal a oedd yn rhan o'u hadfer a bydd hefyd yn codi arian hanfodol ar gyfer Ymchwil Canser Cymru. Mae'r prosiect hwn yn gyfuniad perffaith o hanes, ysbryd cymunedol, a ymroddiad i wneud gwahaniaeth yn y frwydr yn erbyn canser."
"Edrychwch allan amdān ni ddiwedd mis Mehefin hwn a helpwch ni i godi arian a lledaenu ymwybyddiaeth o waith Ymchwil Ganser Cymru a'r gobaith maent yn ei ddod i bobl. Gyda'n gilydd, gallwn ysgogi newid a chyfrannu at ymchwil canser hanfodol sy'n effeithio ar nifer fawr o fywydau."
Bydd Cardi Cranks yn cael eu cefnogi gan Glwb Ffermwyr Ifanc Cymru, sydd hefyd yn ffrindiau da o Ymchwil Ganser Cymru gan ein bod ni'n elusen y Llywydd ar gyfer y flwyddyn hon.
Olew yn rhedeg trwy eu gwythiennau a chalonnau o aur pur
Dywedodd Adam Fletcher, Prif Swyddog Gweithredol Ymchwil Canser Cymru: "Mae pawb yma yn Ymchwil Canser Cymru, yn teimlo'n ffodus iawn i alw'r Cardi Cranks yn ffrindiau. Mae ganddynt olew yn rhedeg trwy eu gwythiennau; calonnau o aur pur; lefelau diddiwedd o greadigrwydd, ysbrydoliaeth a brwdfrydedd; ac maent hefyd yn bobl garedig a chynnes iawn.
"Rwy'n teimlo'n hynod o ddiolchgar am eu cefnogaeth o Ymchwil Canser Cymru a'n cenhadaeth o uno Cymru yn erbyn canser, gyda'r antur fawr hon—Taith Tractor Sion a Sian y Cardi Cranks. Mae'r cynllunio a'r logisteg sydd ynghlwm yn syfrdanol ac yn sicr bydd rhai nosweithiau di-gwsg o'u blaen, ond rwy'n gwybod yn fy nghalon y bydd y Cardi Cranks gyda chefnogaeth Clwb Ieuenctid Ffermwyr Cymru yn llwyddo."
