Rhoi trwy’r Gyflogres
Mae Rhoi trwy’r Gyflogres yn ffordd syml, effeithlon o ran treth, i weithwyr roi i achos da yn rheolaidd gan wneud hynny yn syth o’u cyflog. Dyma un o’r ffyrdd mwyaf effeithiol i fusnesau gefnogi Ymchwil Canser Cymru, tra’n hybu diddordeb staff a lles staff.
Beth yw Rhoi trwy’r Gyflogres?
Mae Rhoi trwy’r Gyflogres yn caniatáu i’ch gweithwyr gefnogi achosion da yn uniongyrchol, trwy dynnu arian o’u cyflog cyn codi treth incwm. Oherwydd bod rhoddion yn cael eu tynnu o dâl gros, mae gweithwyr yn rhoi mwy am lai ac mae elusennau’n derbyn arian heb fod angen hawlio Cymorth Rhodd.
- Effeithlon o ran treth: Mae rhoddion yn costio llai i’r rhoddwyr, gan olygu bod eu cefnogaeth yn mynd ymhellach.
- Rheolaidd a dibynadwy: Mae rhoddion misol neu wythnosol yn helpu elusennau i gynllunio prosiectau hirdymor, gan gynnwys ymchwil sy’n achub bywydau.
- Hyblyg: Gweithwyr sy’n dewis faint i’w roi a pha mor aml, a gallant newid eu rhodd neu roi’r gorau i roi unrhyw bryd.
Sut mae’n gweithio i weithwyr
1. Trefnu cynllun Rhoi trwy’r Gyflogres Partneru ag Asiantaeth Rhoi trwy’r Gyflogres sydd wedi’i chymeradwyo gan CThEF er mwyn cynnig y cynllun i staff.
2. Cyfathrebu â’ch tîm Hyrwyddo’r cynllun yn ystod Mis Rhoi trwy’r Gyflogres (bob Chwefror) neu trwy gydol y flwyddyn i hybu cyfranogiad a gwelededd.
3. Cefnogi a dathlu rhoi Anogwch bobl i roi trwy gynnal ymgyrchoedd mewnol, rhoi arian cyfatebol, heriau, neu ddigwyddiadau cydnabod.