Rheolwr Digwyddiadau Codi Arian Nic Clarke wedi’i enwebu am Godwr Arian y Flwyddyn 2025

Twf digwyddiadau codi arian

Daeth Nic Clarke ar y rhestr fer yn y categori Codwr Arian y Flwyddyn 2025 yng Ngwobrau Arwyr Elusennol y Grŵp Benefact mewn seremoni nodedig yn Llundain ar ddydd Iau 20 Tachwedd.

Fe ydi Rheolwr Digwyddiadau Codi Arian i Ymchwil Canser Cymru, lle mae wedi gweithio ers 2022.

Mae Nic yn gyfrifol am recriwtio pobl i gymryd rhan mewn digwyddiadau codi arian yr elusen, gan gynnwys Ras 10K Ynys y Barri, Hanner Marathon Caerdydd a Dip neu Bellter – Her Nofio Ymchwil Canser Cymru.

Tra'n gweithio i Ymchwil Canser Cymru, mae Nic hefyd yn goruchwylio twf digwyddiadau codi arian y elusen fel ei ymgyrch Dangosa dy Streips a chyngerdd Cherish.

Am brofiad gwych

Wrth siarad am ei enwebiad, dywedodd Nic:

“Rwy’n teimlo’n anrhydeddus iawn fy mod wedi cael fy enwebu fel Codwr Arian y Flwyddyn 2025 ac i gynrychioli’r elusen yng Ngwobrau Arwyr Elusennol y Grŵp Benefact Nhŵr Llundain ddoe.

“Mae bod mewn ystafell gyda 21 o bobl anhygoel eraill o’r sector elusen ledled y DU, ac yna darganfod bod mwy na 2,000 o bobl wedi eu henwebu, yn hynod o syfrdanol.

“Nid yw cael cinio yn Nhŵr Llundain yn rhywbeth rydych yn ei wneud bob diwrnod, ond sôn am brofiad gwych, ac eto rwy'n teimlo'n anrhydeddus iawn i gael fy enwebu ar gyfer y wobr hon.”

Mae’r wobr Codwr Arian y Flwyddyn Gwobrau Arwyr Elusennol Grŵp Benefact ar gyfer unigolion sydd wedi cyflawni canlyniadau ariannol gwych i elusen ac wedi dangos cydweithrediad, meddwl strategol a chreadigrwydd yn eu dull gweithredu.

Balch iawn o Nic

Cafodd Nic ei enwebu gan ei reolwr, Lisa Buckley – Pennaeth Cynhyrchu Incwm Ymchwil Canser Cymru.

“Rydyn ni i gyd yn falch iawn o Nic ac os oedd unrhyw arwr elusen sydd yn haeddu cydnabyddiaeth am ei waith caled, ei ymdrech a'r ymroddiad, yna Nic yw'r person hwnnw yn bendant.

“Mae'n fraint gweithio gydag ef ac ystyriaf fy hun yn lwcus iawn ei fod yn rhan o’n ein tîm codi arian yn Ymchwil Canser Cymru”, meddai Lisa.