Datblygu a Gwerthuso Analogau Curcumin Newydd ar gyfer Trin Canserau Gynaecolegol

Nod y prosiect hwn yw gwella canlyniadau i fenywod yng Nghymru sydd wedi cael diagnosis o ganser gynaecolegol, gan gynnwys canserau’r ofarïau, yr endometriwm, ceg y groth, y fwlfa, a’r wain, sydd â rhai o’r cyfraddau goroesi gwaethaf yn y DU. Yn aml, mae therapïau presennol yn gyfyngedig o ran eu heffeithiolrwydd ac mae ganddynt sgil-effeithiau difrifol. Gallai datblygu analogau curcumin newydd sy’n fwy sefydlog, yn cael eu hamsugno’n well, ac yn fwy grymus yn erbyn celloedd canser, fod o fudd uniongyrchol i gleifion yng Nghymru wrth wella effeithiolrwydd triniaethau a lleihau gwenwyndra, cyn eu defnyddio’n ehangach mewn mannau eraill yn y DU. 

Bydd y prosiect hwn yn datblygu ac yn gwerthuso analogau curcumin newydd sy’n well o ran bioweithgarwch a bioargaeledd, i’w defnyddio fel therapïau atodol neu annibynnol ar gyfer canserau gynaecolegol. Mae profion cyn-glinigol ar fodelau Cymreig yn sicrhau optimeiddio ar gyfer poblogaethau lleol o gleifion, yn cryfhau piblinellau trosiadol o fewn GIG Cymru, ac yn mynd i’r afael ag anghydraddoldebau mewn mynediad at driniaeth a goroesiad, gan alinio â blaenoriaethau Ymchwil Canser Cymru ar gyfer therapïau canser arloesol sy’n cael eu gyrru gan fecanweithiau. Yn y tymor hwy, mae’n cefnogi arloesedd dan arweiniad Cymru ym maes therapïau canser ac yn sicrhau bod cleifion lleol yn elwa gyntaf ar ymchwil arloesol.