Datblygu imiwnotherapiwteg newydd i drin lewcemia myeloid acíwt â mwtaniadau p53

Nod y prosiect hwn yw gwella canlyniadau i gleifion yng Nghymru sydd wedi cael diagnosis o lewcemia myeloid acíwt (AML), yn enwedig y rhai â mwtaniadau p53, sydd â chyfraddau goroesi gwael iawn ar hyn o bryd. Yn aml, mae triniaethau presennol yn methu neu mae cleifion yn atglafychu’n gyflym, gan adael y grŵp hwn ag angen clinigol brys sydd heb ei ddiwallu. Gallai datblygu therapïau newydd sy’n seiliedig ar imiwnedd fod o fudd uniongyrchol i gleifion yng Nghymru wrth ddarparu opsiynau effeithiol, y gellir eu cyflenwi’n lleol, cyn ymestyn y manteision i fannau eraill yn y DU.

Mae rhai therapïau imiwnedd wedi trawsnewid goroesiad mewn achosion eraill o ganserau’r gwaed, wrth adnabod proteinau ar arwyneb celloedd canser. Mewn achosion o AML, ceir llai o dargedau diogel hysbys, sy’n gwneud y dull hwn yn heriol. Yn y prosiect hwn, bydd yr ymchwilwyr yn mapio’r holl broteinau arwyneb ar gelloedd AML â mwtaniadau p53 sydd wedi’u cymryd o gleifion yng Nghymru, gan nodi’r targedau mwyaf addawol, a datblygu prototeipiau therapïau imiwnedd yn y labordy. Wrth gynnwys cleifion yng Nghymru’n gyntaf, bydd y prosiect hwn yn helpu cleifion lleol i gael mynediad yn gynt at driniaethau arloesol a allai achub bywydau. Yn y tymor hwy, mae’n cryfhau arloesedd dan arweiniad Cymru ym maes therapïau canser ac yn sicrhau bod cleifion lleol yn elwa gyntaf ar driniaethau arloesol.