Ymchwil Darganfod ac Ymchwil Drosi

I drechu canser, mae’n rhaid i ni ei ddeall yn gyntaf. Diolch i’r gwaith rydym ni eisoes wedi’i wneud, rydym ni’n gwybod mwy am ganser nag erioed o’r blaen. Bob dydd, rydym ni’n troi’r wybodaeth hon yn driniaethau ac yn ddeilliannau gwell i gleifion canser. A byddwn ni’n dal ati i ddysgu, i ddeall mwy am sut mae canserau’n tyfu ac yn datblygu yn ein cyrff. Bydd y wybodaeth hon yn rhoi’r grym i ni greu triniaethau a phrofion gwell fyth sy’n fwy targedig a charedig i bobl â chanser, fel y gallant fyw bywyd gwell a hirach.