Cymhlygion Rwtheniwm(II) polypyridyl (RuPIP) fel sensiteiddwyr PARPi (Ru-PARPi)

Nod y prosiect hwn yw gwella canlyniadau i gleifion canser yr ofarïau yng Nghymru wrth ddatblygu cyfansoddion sy’n seiliedig ar rwtheniwm sy’n gwella effeithiolrwydd atalyddion PARP (PARPi). Er bod PARPi yn effeithiol ar hyn o bryd mewn is-set o gleifion â mwtaniadau BRCA, mae llawer o gleifion yng Nghymru â thiwmorau BRCA-hyfedr, ac nid ydynt yn elwa ar driniaeth o’r fath. Gallai creu cyfansoddion sy’n “sensiteiddio” y tiwmorau hyn i PARPi gynyddu mynediad yn uniongyrchol at therapïau manwl gywir i gleifion yng Nghymru, gan wella goroesiad a mynd i’r afael ag anghydraddoldebau lleol mewn triniaethau.

Mae’r prosiect hwn yn datblygu cyfansoddion rwtheniwm(II) polypyridyl i greu “BRCA-rwydd cemegol”, gan alluogi gweithgarwch PARPi mewn tiwmorau BRCA-hyfedr. Mae canolbwyntio ar gleifion yng Nghymru yn sicrhau optimeiddio cyn-glinigol a dichonoldeb trosiadol o fewn GIG Cymru. Mae’r dull hwn yn mynd i’r afael ag ymwrthedd i gyffuriau, yn ehangu mynediad at therapïau wedi’u targedu, ac yn alinio â blaenoriaeth Ymchwil Canser Cymru o hyrwyddo, ledled Cymru, ymchwil oncoleg fanwl gywir sy’n cael ei gyrru gan fecanweithiau.